Nettseminar om sjukdomsavløysing for avløysarlag m.fl.

Både avløysarlag, rekneskapskontor og andre kan ta på seg å hjelpe bonden med å fylle ut søknaden om tilskot til avløysing ved sjukdom og fødsel mv. Når søknaden blir rett utfylt, lettar det arbeidet både for søkar og for kommunen som skal behandle. 

Vi vil gå gjennom noko av regelverket og det som typisk er utfordrande i arbeidet med å fylle ut søknaden. Vi kjem innom tema som krav til næringsinntekt, trekk av andre inntekter, krav til dokumentasjon, søknad om dispensasjon m.m. Det blir også mogleg å stille spørsmål. 

Det er også mogleg å sende spørsmål ein måtte ha pr. e-post til ein av kontaktpersonane (sjå høgre marg) i forkant av seminaret. Fint om vi får dette seinast 7. mars slik at vi får lagt det inn i programmet.

I daglegtalen kallar vi denne tilskotsordninga ofte sjukdomsavløysing. Det formelle namnet er tilskot til avløysing ved sjukdom og fødsel mv. Formålet er å bidra til å dekke utgifter til avløysing når jordbrukaren har vore sjuk sjølv eller når vedkommande har hatt sjukt barn, ved svangerskap og fødsel, adopsjon m.m. og om jordbrukaren døyr. 

Alle påmeldte får tilsend lenke til Teams via e-post dagen før seminaret.