Informasjonsbrev veke 20/2023

Det er lønsamt å la skogen vekse litt til 

Både skogeigar og klimaet tener på at skogen ikkje vert hogge for tidleg. Dette er temaet for ein kronikk som Frank Madsøy og Christina Qvam Heggertveit har skrive. Oppmodinga deira er: La skogen vekse gjennom den mest produktive livsfasen. Det gir meir lønsamt tømmer, samtidig gjer trea ein viktig jobb for framtida og for klima. Kronikken finn du her. 

Kontaktperson: Christina Qvam Heggertveit 

Ny podkast: Den fantastiske skogen 

Tømmeret vi tek ut frå skogen gir inntekter og sysselsetjing. Samtidig skal vi ta vare på naturen og det yrande livet i skogen. Skogen gir oss oksygen og lagrar karbon.  

Drift og vern av skog er det temaet i denne utgåva av Statsforvaltaren sin podkast «For folk og natur». Med i podkasten er statsforvaltar Else-May Norderhus, fylkesskogmeister Åsmund Asper og rådgivar Hege Steigedal. 

Podkasten finn du her. 

Kontaktperson: Åsmund Asper 

ØKS: Godkjenne virkesopplysningar 2023-05 – Frist 26. mai 

Virkesopplysningar for periode 2023-05 er klar for kontroll og godkjenning i kommunane. Frist for å godkjenne er 26. mai. Det er viktig at dette blir godkjent innan fristen! Hugs også eventuell fil med manuelt registrert virke.   

Kontaktperson: Åslaug Røberg

Hoppid nettverkssamling 6. - 7. juni i Ørsta 

Statsforvaltaren, Fylkeskommunen og Innovasjon Norge inviterer til nettverkssamling 6. - 7. juni for Hoppid kontaktar og andre som jobbar med næringsutvikling i kommunen. Eit spennande program, der vi mellom tysdag 6. juni skal få inspirasjonshistorier om næringsutvikling og bedriftsnettverk innan reiseliv/landbruk. 

Frist for påmelding: snarast og seinast 23. mai. 

Pris for heile samlinga frå 6.-7. juni inkl. middag og overnatting kroner 1 500. Vi bookar overnatting. 

Avbod etter 23. mai vert belasta med eit «ikkje møtt» honorar på kroner 1500. 

Påmelding og informasjon om allergiar til may.britt.roald@mrfylke.no , tlf. 466 96 382. 

Program finn du her. 

Kontaktperson: Brit Kari Eidseflot Hauger