Skal bidra til kompetanseutvikling i landbruket
Ønsker de å utvikle prosjekt som kan høgde kompetansen til den norske bonden, gartnaren eller skogbrukaren? Fristen for å sende inn søknad om tilskott frå Kompetanseutviklingsprogrammet for landbruket (KIL) for 2017 er 16. desember 2016. KIL-midla for 2017 er på 6 millioner kroner.
Dette innhaldet er meir enn eitt år gammalt. Informasjonen kan derfor vere utdatert.
Gjennom å støtte utvikling av kompetansegivande tilbod skal KIL bidra til kompetanseutvikling blant gardbrukarar, gartnarar og skogbrukarar og deira tilsette, og dei som driv tilleggsnæring på eigen gard.
I 2017 ser ein gjerne at det vert utvikla kompetansegivande tilbod innanfor desse områda:
- «Det grøne skiftet» - marknad, klima og miljø
- Bonden/gartnaren/skogbrukaren som arbeidsgivar - garden/gartneriet/skogen som arbeidsplass
- Plante- og dyrehelse
Berre faglege og økonomiske organisasjonar i landbruket og utdanningsinstitusjonar kan søke om KIL-midlar. Enkeltpersoner kan ikkje søkje. Det kan heller ikkje søkast om tilskott til oppgåver som vert vurdert å vere ein del av søkar sine ordinære arbeidsoppgåver eller drift.