Kven stikk av med Kulturlandskapsprisen 2013?

Det er Fylkesmannen i Møre og Romsdal som står bak kulturlandskapsprisen, som blir utdelt på Dyregod-festivalen i Gjemnes.

Prisen går til ein eller fleire gardbrukararar som utmerkar seg med miljøvennleg drift. Vinnaren får med seg ein sjekk på  10.000 kr. og eit kunstverk, i tillegg til heider og ære og vissheten om at ein har gjort ei framifrå innsats med gardsbruket sitt. Kandidatane er vurderte etter desse kriteria:

• At ålmenta har tilgang til å oppleve kvalitetar i landskapet gjennom friluftsliv og rekreasjon
• At drifta medverkar til ei positiv fokusering på dei verdiane som landbruket representerer. Kandidatane bidreg dermed til eit meir opent landbruk i tillegg til eit ope landskap
• At kandidatane med utgangspunkt i kulturlandskapet og lokale tradisjonar har skapt ny næring på garden
• At det vert teke omsyn til kulturminne, byggeskikk og andre miljøverdiar som til dømes biologisk mangfald i drifta
• At drifta tek omsyn til miljøutfordringar på bruket og i nærområdet

Tidlegare prisvinnarar:

• 2003: Bodil og Tor Lie, Stranda: Fjordvendt fjellgard med geitemjølkproduksjon
• 2004: Fjørtoft og Harøy Bondelag, Uksnøya Villsaulag og Fjørtoft Beitelag, Haram: Gjenskaping av verdifullt kulturlandskap ved hjelp av utegangarsau
• 2005: Dravlausstølen og Drotninghaugstølen, Sykkylven: Seterdrift, økologisk drift, aktivt kulturlandskapsarbeid
• 2006: Reidun Bjorland Rødset og Lars Rødset, Sunndal: Mjølkeproduksjon, hus- og hytteutleige med basis i gamle bygningar på garden og setra
• 2007: Ann Iren Rong Torheim og Anders Torheim, Fræna: Mjølk- og kjøttproduksjon, stort engasjement og innsats for ålmenta og lokalsamfunnet
• 2008: Marit Kvam og Arnfinn Lislien, Rauma: Setring med foredling av mjølk til smør og rømme, drift av kulturlandskap i bratte område som er viktig for landskapsbiletet
• 2009: Lingebygda v/Linge grunneigarlag, Norddal: Samarbeid i bygda om å ta vare på fruktdyrking, bygningsmasse og kulturlandskapet elles
• 2010: Pål Svisdal, Sunndal: Framifrå innsats med å ta vare på kulturlandskap med stort biologisk mangfald, gamle bygningar og byggeskikk, tradisjonell gardsdrift og seterdrift
• 2011: Aina og Olav Krakset, Vanylven: Har gjort bruket sitt om til ein attraktiv opplevingsgard
• 2012: Kristen Stokkeland, Vestnes: Sentrumsnært gardsbruk med stort husdyrhald. Driv også Feøya naturreservat