Korleis står det til med helse- og omsorgstenestene til eldre i din kommune?
Helsedirektoratet har utarbeidd ein ny statistikkvisning, Eldrebarometeret, som viser korleis det står til med helse- og omsorgstenestene til eldre i kommunane.
Målet er å gje ei oversikt over kvaliteten i helsetenestene til eldre i kommunane, basert på eit utval nøkkeltal. Dette skal gje eit felles kunnskapsgrunnlag, og som kan nyttast til kvalitetsforbetring og utvikling av tenestene i kommunane.
Nøkkeltala er henta frå ulike datakjelder som helseregistre, KOSTRA, bedrekommune.no og Folkehelseinstituttet.
Nøkkeltala viser mellom anna:
- årlege utgifter til helse og omsorgstenester totalt og per innbyggar
- ernæring
- tannhelsetenester
- tal på innbyggarar over 67 år og over 80 år
- tal på årsverk med helsefagleg utdanning
- tal på innbyggarar som mottar heimetenester og institusjonstenester (67 år og eldre)
- bruk av velferdsteknologi
Kommunane kan samanlikne seg med andre kommunar, samt sjå korleis dei ligg i forhald til eige fylke og landet.
Meir informasjon om Eldrebarometeret finn du på heimesida til Helsedirektoratet: Eldrebarometeret - Helsedirektoratet
Les og Helsedirektoratet si nyheitsak om Hvordan står det til med helse- og omsorgstjenestene til eldre i din kommune?