Statsbudsjettet 2014 - Kommunevise tal

Inntektsveksten til kommunane blir fordelt gjennom kommunane sitt inntektssystem. Inntektssystemet syt for at dei statlege overføringane blir fordelt etter kommunane sitt pårekna utgiftsbehov, i følgje objektive kriterier. Til dømes får kommunane meir i statelege overføringar for ein person i grunnskulealder, enn for ein person i arbeidsalder. Det har samanheng med at ein gjennomsnittleg elev kostar kommunen meir enn ein gjennomsnittleg person i 40-åra fordi kommunen pliktar å gi undervisning til eleven. I tillegg er det ein rekkje andre faktorar som påvirkar kommunane sitt utgiftsbehov og inntektsgrunnlag. Vi vil kort sjå på og kommentere somme nøkkeltal som i stor grad påvirkar kommunane si inntekt.

Tabell under viser anslag på kommunane sine inntekter, og endringa frå 2013 til 2014.

Tabellen viser at den prosentvise inntektsveksten for kommunane i Møre og Romsdal samla (fylkesnivå) er omtrent lik landsgjennomsnittet. Det er likevel til dels store kommunevise skilnadar i inntektsveksten. I det følgjande ser vi på korleis endringa i skatteinngangen og endringane i aldersgruppene påvirkar veksten i dei frie inntektene.

Det er lagt til grunn at kommunane i Møre og Romsdal vil få høgare skatteinntekter i 2014 enn det var i statsbudsjettet for 2013, målt i prosent av landsgjennomsnittet. Til grunn for skatteinngangen i 2014 er det lagt til grunn siste kjente skattetal, altså frå 2012. Det gir kommunane grunn til å følgje med på den lokale skatteinngangen, og eventuelt korrigere skatteprognosa for 2014.

Tabellen under viser endringa i aldersgruppene fra 1. juli 2012 til 1. juli 2013. Det er dei tala som ligg til grunn for prognosa på rammetilskotet i statsbudsjettet.

Tabellen viser at folketalsveksten er sterkare i landet enn i kommunane i Møre og Romsdal samla. Det gjer at kommunane her i fylket vil få ein mindre del av inntektene, trass i at det er positiv vekst i folketalet.

Som nemnt innleiingsvis, får kommunane justert inntekta etter pårekna utgiftsbehov. Med unntak av aldersgruppane 0 til 1 år og over 89 år, har kommunane i Møre og Romsdal ein svakare vekst i dei ymse aldersgruppene. Aldersgruppa 6 til 15 år er klart mest vektlagt av aldersgruppane. I Møre og Romsdal har det vore ein nedgang i den aldersgruppa frå i fjor.

At det er svakare vekst i tenestetunge aldersgrupper gjer at det blir lågare statlege overføringar til kommunane i Møre og Romsdal. Det blir til ein viss grad motvirka av antatt sterkare vekst i den lokale skatteinngangen. Totalt sett blir veksten 0,1 prosent lågare for kommunane her i fylket enn landsgjennomsnittet.

Meir om inntektssystemet og korleis dei statlege overføringane blir fordelt på kommunane er på Kommunal- og regionaldepartementet sin nettstad om frie inntekter på nett 2014.

I margen til høgre er fylkesflaka for Møre og Romsdal. Dei inneheld fleire tal på kommunenivå.