Prosjektskjønn for 2027
Statsforvaltaren inviterer kommunane i Møre og Romsdal til å søke på prosjektskjønnmidlar for 2027. Midlane skal gå til fornying og utvikling i kommunane. Søknadsfrist er 1. juni 2026.
Søk prosjektskjønn: https://prosjektskjonn.statsforvalteren.no/
Dei siste åra har totalramma for prosjektskjønn vore om lag 10 millionar kroner.
Interkommunalt samarbeid
Satsingsområdet er interkommunale samarbeid, for å bidra til å løyse omstillingsbehovet i kommunane og til ei meir berekraftig og innovativ oppgåveløysing.
Vi oppmodar kommunane til å rydde i dei ulike interkommunale samarbeida og søke faste strukturar så langt det er formålstenleg.
Vi prioriterer søknadar som skal støtte effektivisering og omstilling i drifta innanfor dei største sektorane.
Rettleiing
Ta gjerne kontakt med oss ved behov for rettleiing om søknaden; både tekniske spørsmål og spørsmål rundt det juridiske handlingsrommet knytt til ulike selskapsformer ved interkommunalt samarbeid.
Kommunal- og distriktsdepartementet har også ein rettleiar om interkommunalt samarbeid: Veileder om interkommunalt samarbeid - regjeringen.no