Jordvernmål nyttar
Møre og Romsdal har nådd jordvernmålet 5 år på rad. I Landbruksmelding for Møre og Romsdal 2017-2021 vedtok fylkestinget sitt første regionale jordvernmål på 200 dekar. Det har gitt resultat (figur 1).
Nytt og skjerpa regionalt jordvernmål vart fatta i 2022 gjennom Fylkesstrategi for landbruk 2023-2026. No er målet maksimal omdisponering av 100 dekar dyrka mark årleg.
Bustadar er hovudårsaka til tap av dyrka mark i Møre og Romsdal. I perioden 2015-2022 har 44 prosent av matjorda vorte omdisponert til bustadføremål (figur 2). Mange kommunar har sett av store område med dyrka mark til andre føremål i sine gjeldande arealplanar. Skal vi nå det nye regionale jordvernmålet på 100 dekar, lyt desse areala førast tilbake til landbruksføremål. Dette har også regjeringa omtala i sitt brev til kommunane og fylkeskommunane med oppmoding om å ta vare på matjorda.
Stortinget sitt nasjonale jordvernmål er at ikkje meir enn 2 000 dekar matjord kan byggast ned per år. Dette er ei innskjerping på 1 000 dekar frå førre målsetting. Jordvernstrategien er tydeleg på at vern av matjorda må verte høgt prioritert i kommunane sin arealpolitikk for å nå målsettinga.
Figur 1
Figur 2
Kontaktpersoner
Faktaboks
Denne artikkelen er fyrst publisert i Møre og Romsdal Fylkeskommune sin Fylkesstatistikk
Fylkesstatistikk 2023 - Møre og Romsdal (mrfylke.no)