Forvaltingsplan Sandblåst-/Gaustadvågen naturreservat

Forvaltingsplanen har målsettingar for tilstanden til verneverdiane og brukarinteressene i området. Vidare viser planen korleis verneforskriftene skal tolkast og praktiserast. Til slutt foreslår ein tiltak som restaurering, skjøtsel, overvaking og informasjon.

«Ein forvaltingsplan medfører ikkje noko skjerping i restriksjonsnivået eller nytt vern» understrekar seniorrådgjevar Ola Betten.

Dei viktigaste tiltaka i planen er:

• Registrere og ev. betre vassutskiftinga mellom fjorden og vågen
• Fjerne framande bartre som sitkagran og bergfuru
• Motverke gjengroing ved rydding og husdyrbeiting i området
• Informere om verneverdiane gjennom skilting

I samband med høyringa er det også framlegg om å rette opp ein del feil i eigedomslista i verneforskrifta for naturreservatet.

Fylkesmannen oppmodar alle interesserte til å komme på informasjonsmøte på Strømsholmen Sjøsportsenter onsdag 15. august kl. 19.30 – 21.30, og å gje fråsegn til planen innan 15. september 2012.

Oversiktsbilete