Ser nærare på bruken av Naudvarsel
I samband med uvêret «Hans», vart Naudvarsel sendt ut i utvalde område i seks politidistrikt. Nokre personar vart varsla fleire gonger, og også på stader der varsla ikkje skulle bli sendt. Dette ser politiet og DSB nærare på.
Dette innholdet er mer enn ett år gammelt. Informasjonen kan derfor være utdatert.
Det var statsforvaltarane i særleg råka fylker som bad politiet om å sende ut varsel i samband med uvêret. Naudvarsla vart sendt ut i dei ulike politidistrikta til valde område med tekst utarbeida av dei ulike statsforvaltarane.
Skal ikkje vere støy
– Naudvarsel er eit nytt og godt system for å varsle befolkninga. Det er viktig at naudvarsla ikkje vert støy eller unødvendige. Derfor vil vi i politiet gå gjennom rutinane våre og sjå om det er noko vi kunne gjort annleis i samband med varsla denne veka, seier fungerande politidirektør Håkon Schjeldrup.
Les meir om kva politiet og DSB nå vil sjå på etter hendinga i denne pressemeldinga:
Bruk av Nødvarsel gjennomgås | Direktoratet for samfunnssikkerhet og beredskap (dsb.no)
Les meir om foreløpige funn i denne saka: Derfor fikk noen nødvarsel mange ganger | Direktoratet for samfunnssikkerhet og beredskap (dsb.no)
Haustar erfaringar
– Naudvarsel er framleis nytt. Både politiet, som står for den operative bruken av systemet, og vi i DSB, som er ansvarlege for den tekniske løysninga, haustar no nyttige erfaringar frå bruk som vi vil ta med oss i det vidare arbeidet, seier direktør i DSB, Elisabeth Aarsæther.
For meir informasjon om naudvarsel sjå www.nodvarsel.no.
Kontaktpersoner
Om Naudvarsel
Norge har på svært kort tid fått på plass eit nytt verktøy for å varsle befolkninga på mobilen. Naudvarsel når raskt ut til befolkninga med viktig informasjon som kan spare liv og helse ved akutte og alvorlege hendingar.