Midlertidig styrking av eksisterande behandlingstilbod innan psykisk helse- og rusarbeid

Derfor vert det no lyst ut eit midlertidig tilskot til styrking av eksisterande behandlingstilbod innan psykisk helse- og rusarbeid.

Vi lyser ut tilskotet med atterhald om bevillingsvedtak i stortinget si handsaming av revidert nasjonalbudsjett.

Mål for ordninga:

Føremålet med tilskotet er ei midlertidig styrking av, og å auke tilgangen til dei eksisterande kommunale lågterskel behandlingstilboda innan psykisk helse og rusarbeid som følgje av koronapandemien.

Målgruppa er barn, unge og vaksne med psykiske plager/rusproblem som har behov for hjelp.

Kven kan søke på tilskotet:

Kommunar kan søkje midlar åleine eller saman med andre kommunar, med spesialisthelsetenesta eller andre aktørar.

Kommunen som søker er administrativt og økonomisk ansvarleg, og vil få utbetalt tilskotet.

Søknad:

Det er ikkje eige skjema for tilskotsordninga. Søknaden skal være kortfatta og gi ein poengtert omtale korleis kommunen vil styrkje tilbodet sitt når ein ser det opp i mot tildelingskriteria og rapporteringspunkta.

• Mål for bruk av tilskotet
• Omtale av tiltaket det søkes tilskot til
• Budsjett (skal kunne samanliknast på same nivå med rekneskap dersom rekneskap krevst)
• Merke søknaden med org.nr og kontonummer for utbetaling

Søknaden skal underteiknast av kommunedirektør/rådmann eller den som har signeringsfullmakt og sendas til Statsforvalteren i Møre og Romsdal: sfmrpost@statsforvalteren.no

Tildelingskriteria:

Skjønnsmessig vurdering med utgangspunkt i forventa måloppnåing.

Tilskot gis til:

Styrkinga må ta utgangspunkt i dei lokale forholda og behova. Lågterskeltilbod bør styrkes for å kunne gi rask hjelp til dei som har eller har hatt det spesielt vanskeleg i tida med pandemi.

Eksempler på aktuelle tiltak kan være:

• Auka bemanning
• Utvida opningstid, «open dør» eller fleksibel tilgjengelegheit
• Styrking av førebyggande tiltak og tidleg innsats
• Oppsøkande arbeid/ambulerande tilbod
• Samhandling mellom faggrupper og tenestenivå, tenester og aktører
• Samhandlingsløysingar med spesialisthelsetenestene

Tilskotet kan og nyttas til kompetanseheving innan psykososial beredskapsarbeid, førebyggande tiltak og tidleg innsats.

For meir informasjon og rapproteringkrav sjå Helesdirektoratet sine heimesider - lenke i høgremenyen