Kunngjering 2023: Tilskot til utvikling av dei sosiale tenestene på NAV-kontoret

Sosialtenestelova inngår i det samla velferdsansvaret til kommunane, og har som formål å bidra til:

• å gi betre levekår for vanskelegstilte
• sosial og økonomisk tryggleik ved at kvar enkelt får høve til å leve og bu sjølvstendig, og fremje overgang til arbeid, sosial inkludering og aktiv deltaking i samfunnet
• at utsette barn og unge og familiane deira får eit heilskapleg og samordna tenestetilbod
• likeverd og likestilling og førebyggje sosiale problem

Det overordna målet med denne tilskotsordninga er å skape eit heilskapleg og samordna tenestetilbod tilpassa behova til brukarane. 

Gjennom nye arbeidsmetodar og samarbeidsformer skal innbyggjarane i kommunen oppleve auka kvalitet i tenestene, og dermed betre levekår. 

Målgruppa for ordninga er sosialt og økonomisk vanskelegstilte som har behov for sosiale tenester, og andre som står i fare for å kome i ein vanskeleg livssituasjon.

Følgjande utviklingsområde vil bli særskilt prioriterte i 2023:

• Heilskapleg og samordna tenestetilbod tilpassa behova til brukarane
• Arbeid med barnefamiliar, ungdom, innvandrarar og langtidsmottakarar av sosiale tenester
• Sikring av sårbare overgangar som til dømes lauslating etter straffegjennomføring, overgang mellom utdanning og arbeidsliv, og mellom ulike tenester som barnevernet og NAV
• Førebygging og/eller tidleg innsats

Vi vil som ein del av kommunen/kontoret si førebuing for å skrive søknad, oppfordre til å sjå «Mulighetenes lov», eit foredrag om føremålet med Lov om sosiale tenester (ca 9 min)

For meir informasjon sjå lenke til fullstendig utlysingstekst i høgremenyen.