Fordeling av 50 millionar i ekstra skjønnstilskot på grunn av covid-19

Skjønnstilskotet er fordelt til kommunane i Rogaland slik det kjem fram av tabellen under: 

Om fordelinga

I samsvar med retningslinjer gitt av Kommunal- og moderniseringsdepartementet er fordelinga av skjønnstilskotet retta mot dei kommunane med dei høgaste meirutgiftene grunna smittevern og oppfølging av TISK-strategien.

Statsforvaltaren har langt på veg gjort ei fordeling av dei ekstra skjønnsmidlane basert på rapporteringa som kommunane i Rogaland gjorde i mars og juni 2021. I rapportane ser vi at innrapporterte kostnader i forhold til smittetal varierer stort mellom kommunane. Dette skuldast til dels at kommunane har valt ulike strategiar for smittevern, og i kor stor grad dei skal forebygge smitte. Det skuldast også at kommunane har ulike måtar å organisere seg på, og ulike måtar å registrere kostnadene på. Fleire kommunar har meldt frå om at det er krevjande å sortera ut kva kostnader som gjelder smittevern og TISK, og kva som er andre meirkostnader som følgje av pandemien. Kostnader til vaksinering er heldt utanfor, da dette skal bli kompensert gjennom rammeoverføringar.

Statsforvaltaren har derfor valt å bruke eit meir objektivt kriterium i fordelinga av skjønnstilskot, i tillegg til innrapporterte kostnader. Omtrent halvparten av tildelinga er gjort ut frå tal på smitta i kommunane i første halvår 2021. Kommunar med få eller ingen smitta har ikkje fått tilskot, med mindre dei har peikt på særskilde forhold som vi har valt å vektlegge ved fordelinga.

Det ekstra skjønnstilskotet kommer i tillegg til pengar som allereie er fordelt til kommunane på grunn av pandemien for 1. halvår 2021 gjennom innbyggjartilskotet. Kommunane har også fått midlar til kontrolltiltak med smittevern.

Midlane vil bli overført til kommunane tidleg i juli, og skal gå til å dekke utgifter til smittevern og TISK-strategien i første halvår 2021.

Ekstra skjønnstilskot for andre halvår 2021

Stortinget vedtok i samband med revidert nasjonalbudsjett å løyva ytterlegare 1,5 milliardar kroner i ekstra skjønnstilskot til kommunane for andre halvår 2021 grunna covid-19. Auken i skjønnsramma kjem i tillegg til ein auke i innbyggartilskotet på 1 milliardar kroner.

Det ekstra skjønnstilskotet vil bli fordelt før jul. Statsforvaltaren vil i eiget brev på hausten be kommunane som har netto meirutgifter i form av netto driftsutgifter knytt til smittevern og TISK-strategien om å levere inn ny rapport som Statsforvaltaren skal formidla vidare til KMD.