Søknadsfrist for sal av mjølkekvote er 15. august
Viss du planlegger sal av grunnkvote må du hugse på søknadsfristen 15. august. Meir informasjon om sal og hjelp til søknaden er beskriven under.
Eigar av landbrukseigedom med grunnkvote kan søkje om å selje heile eller delar av grunnkvota til landbrukseigedomar i same produksjonsregion. Kvoteeigar bestemmer sjølv kor stor del av kvota ein vil selje, men det er obligatorisk å selje 40 % av mengda ein har søkt om til staten. Salet får verknad 1. januar 2027.
Treng du hjelp eller har spørsmål?
Søknaden sendast elektronisk, logg inn på tenesta kvoteordninga for mjølk.
Viss du treng hjelp til søknad eller har spørsmål til ordninga kan du kontakte Landbruksdirektoratet per e-post melkekvoter@landbruksdirektoratet.no eller telefon 78606000 og be om å få prate med saksbehandlar i seksjon pristilskot og produksjonsregulering.