Søk om midlar til klima- og miljøtiltak i jordbruket

Dei regionale midlane kjem i tillegg til nasjonale midlar, og erstattar fylkesvise informasjonsmidlar til miljø. Mindre, og meir lokalt tilpassa prosjekt vil bli prioriterert fylkesvis. For større prosjekt med nasjonal overføringsverdi tilrår vi at det blir søkt om midlar frå Statens landbruksforvaltning. Sjå www.slf.dep.no. NB! Frist for å søkje støtte frå nasjonalt klima- og miljøprogram er 15. februar.

Søknadar som støtter strategiar i Regionalplan landbruk om miljø- og klimatiltak i jordbruket vil bli prioritert. For 2013 ønskjer vi særskilt å få inn søknadar på følgjande område:

• Fellestiltak som mobiliserer jordbruket til auka miljøinnsats
• Prosjekt som kan belyse:
• Situasjonen kring avrenning frå bruk av plansiloar i Rogaland
• Avlingsnivå på areal dedet er etablert miljøavtalar
• Kartlegging av behov for reinseparkar i nedslagsfelt til sårbare vassdrag

Fylkesmannen vil maksimalt gi tilskot inntil 70 % av prosjektet sin totale kostnadsramme. I særlege tilfelle kan det bli gitt tilskot utover dette.

Søknaden skal sendast per post eller e-post til:
Fylkesmannen i Rogaland
Landbruksavdelinga
Postboks 59 sentrum
4001 Stavanger 

E-post: fmropost@fylkesmannen.no

Søknaden må minst innehalde følgjande:

1. Grunnopplysningar:
   1. Prosjekteigar: Namn, organisasjonsnummer, Adresse, postnr, poststed, kontonummer, telefonnummer og e-postadresse
   2. Kontaktperson: Namn på kontaktperson/ansvarleg for prosjektet
   3. Namn på eventuelle samarbeidspartnarar
2. Prosjektet sin tittel
3. Prosjektperiode
4. Prosjektet sine mål, eventuelt delt inn i hovudmål og prosjektmål
5. Prosjektomtale:
   1. Bakgrunn
   2. Kva skal gjerast og korleis tenkjer de å gå fram?
   3. Framdriftsplan
6. Økonomi.
   1. Kostnadsoverslag
   2. Finansieringsplan