Nettseminar om sjukdomsavløysing for avløysarlag m.fl.

Både avløysarlag, rekneskapskontor og andre kan ta på seg å hjelpe bonden med å fylle ut søknaden om tilskot til avløysing ved sjukdom og fødsel mv. Uansett kven som hjelper bonden, så er det viktig at søknaden blir rett utfylt. Det lettar arbeidet både for søkar og for kommunen som skal behandle. 

Vi vil gå gjennom noko av regelverket og det som typisk er utfordrande i arbeidet med å fylle ut søknaden. Vi kjem innom tema som krav til næringsinntekt, trekk av andre inntekter, krav til dokumentasjon, søknad om dispensasjon m.m. Det blir opna for å stille spørsmål. 

Det er også mogleg å sende spørsmål ein måtte ha pr. e-post til ein av kontaktpersonane (sjå høgre marg) i forkant av seminaret. Fint om vi får dette seinast 15. juni slik at vi får lagt det inn i programmet.

Alle påmeldte får tilsend lenke til Teams via e-post dagen før seminaret.