Førehandsvarsel - Søknad om peling ved Klosterøya i Skien

Steinar Moe Eiendom AS søkte den 24.1.2021 om løyve etter forureiningsregelverket til peling ved Klosterøya, gbnr. 300/5342 og 300/2183 i Skien kommune. Føremålet med tiltaket er ny promenade langs Tømmerkai og etablering av båtslipp.

Det er søkt om å ramme inntil 40 stålkjernepelar fordelt over eit areal på 1300 m², av dette utgjer området for peling til ny kai ca. 900 m² og området for båtslipp utgjer ca. 400 m². Borekaks og forureina vatn skal samlast opp i tette behaldarar på land og leverast godkjent mottak.

Sjøbotnen i området har vort analysert for miljøgifter i 2018, og resultatane viser konsentrasjonar tilsvarande tilstandsklasse IV (dårleg) i samsvar med grenseverdiar for sedimenter (M-608|2016).

I Miljødirektoratet sin Naturbase (kart.naturbase.no) er det ikkje registrert marine naturtypar i tiltaksområdet. Skienselva er eit anadromt vassdrag, med førekomst av blant anna laks, sjøaure og sjørøye. 

Eventuelle merknader til søknaden kan du innan 07.07.2021 sende til: 

Statsforvaltaren i Vestfold og Telemark, Postboks 2076, 3103 Tønsberg
eller på e-post til sfvtpost@statsforvalteren.no