Søknadsfrist for tilskot til tiltak for å ivareta natur er 15. januar

Tilskotsordninga skal bidra til å bevare truga artar og naturtypar, utvalde naturtypar, ville pollinerande insekt, verdifulle kulturlandskap og hindre negativ påverknad frå framande artar. Ordninga var ny frå 2025, og erstatta dei tidlegare tilskotsordningane for truga naturtypar, truga artar, ville pollinerande insekt, verdifulle kulturlandskapsområde og fjerning av framande organismar.

Du kan søkje om tilskot til:

•  vedlikehald, skjøtsel og restaurering
•  tilpassa jordbruksdrift som blir gjennomført slik at det biologiske mangfaldet i og i tilknyting til areal blir ivareteke eller forbetra
•  innkjøp og montering av utstyr til skjøtselstiltak
• konkrete tiltak for enkeltartar, til dømes bevaringsutsetjing og innsamling av frø
•  å etablere leveområde for ville pollinerande insekt
•  å bekjempe framande artar
•  kartlegging og overvaking i samband med gjennomføring av tiltak
•  å utarbeide tiltaks- og skjøtselsplanar
•  informasjonsarbeid

Søknadssenter for tilskot til tiltak for å ivareta natur