Hugs å melde deg på PT-kompetansesamling innan 19.09.kl 12:00
Alle som skal handsame søknadar om produksjonstilskot og avløysartilskot, må få med seg årets store PT-hending, kompetansesamlinga 24.09.2024
Skjerp PT-sakshandsamingsformen! Bli med på kompetansesamlinga 24.09.2024!
Det nærmar seg hovudsesong for produksjonstilskot og avløysartilskot i jordbruket. 01.10 åpnar eStil-PT for søkning, søknadsfristen er 15.10 og endringsfristen er 29.10. Deretter skal kommunane kontrollere og handsame søknadane. Så det gjeld å vera godt førebudd.
Målet er at sakshandsamarane skal få til rask og korrekt sakshandsaming. Ikkje minst sett i lys av at mange kommunar opplever at personalressursane er avgrensa, er det viktig at ein gjer det ein skal, korkje meir eller mindre.
Samlinga vil ha tre hovudbolkar;
- nytt i PT-ordninga i 2024
- kontroll og rettleiing knytt til gjødslingsplanar
- kontroll og rettleiing knytt til vanleg jordbruksproduksjon.
Det kjem til å verte tid til networking, teamworking, te, kaffe og mat.
De kan velgje om de vert med fysisk eller på Teams. Fysisk frammøte er trivelegaste alternativet og også det alternativet som gir det beste faglege utbyttet. Me vil likevel leggje til rette for at Teams-deltakarane får delta i gruppediskusjonar og koma med innspel i plenum.
Hugs å krysse av for om du kjem til å delta fysisk eller på Teams
Om det er fleire frå same kommune som skal vera med, må kvar einskild melde seg på.