Statsborgarseremoniar i Håkonshallen
Søndag 3. september vart det arrangert heile fire seremoniar i Håkonshallen. Statsråd Marte Mjøs Persen og statsforvaltar Liv Signe Navarsete heldt talane for våre nye landsmenn og gjestene deira.
Dette innholdet er mer enn ett år gammelt. Informasjonen kan derfor være utdatert.
Publisert 04.09.2023
Pianist Rune Alver og fiolinist Sunniva Herland Monstad sto for det musikalske tonefølgjet.
Som ein del av seremonien avla dei som var til stades statsborgarløftet, og kvar einskild vart deretter ropt opp for å få gåvebok frå statsforvaltaren.
Håkonshallen, bygd i 1261, er ein naturleg stad for slike seremoniar. Hallen og heile festningsneset var i si tid sentrum for styringa av «Noregsveldet», og både slott, bustad og regjeringsbygg i eit.