Vi innfører telefontid

Nytt telefonnummer til avdelinga er 55 57 27 00. Vi blir tilgjengelege på telefon tysdag, onsdag og torsdag frå klokka 12.00 til 14.00.

Vi oppmodar alle om å bruke «Send sikker melding» eller eige skjema for å klage viss du ikkje er nøgd med helsehjelpa du har fått.

• Send sikker melding til Statsforvaltaren | Statsforvaltaren i Vestland
• Klage på helsehjelp? | Statsforvaltaren i Vestland

Barn og ungdom som har kontakt med barnevernet, har rett til å klage. Du finn meir informasjon her: Barn og unge sin rett til å klage på barnevernet | Statsforvaltaren i Vestland

I telefontida set vi av tid til å svare på telefonar, og blir på denne måten meir tilgjengelege enn før. Den tida vi ikkje er tilgjengelege på telefonen nyttar vi til å effektivisere sakshandsaminga vår. Vi innhentar informasjon etter eiga vurdering i sakshandsaminga vår. Har du meir informasjon i saka di treng du ikkje ringe, men bruke «Send sikker melding». Vi har skriftleg sakshandsaming, og sakshandsamar ikkje per telefon.