Andre gongs høyring av forskrift om fiske utanfor vassdrag med anadrom fisk i Vestland
- Høringsfrist:
- 20. desember 2023 23:59
Etter første runde med høyring foreslår vi å endre to paragrafar i utkast til ny forskrift. Frist for å komme med tilbakemelding er 20. desember 2023.
Forslag til ny forskrift vil etter vårt syn styrke vernet av sårbare stammer av laks og sjøaure i fylket, samstundes som ålmenta sin tilgang til fiske i sjø vert varetatt. Vi har i vurderinga vektlagt miljørettsprinsippa i naturmangfaldlova, og særleg omsynet til føre-var prinsippet (§ 9) og samla belastning (§ 10).
Endring av paragraf 5 a, c og d, og paragraf 6
Vi mottok 28 fråsegner til utkastet for ny forskrift om fiske utanfor vassdrag med anadrom fisk i Vestland.
Ein konsekvens av høyringa, er at vi foreslår å endre to av paragrafane i den nye forskrifta: § 5 a, c og d om fiskereglar i munningsfredingssonene og § 6 om fiske utanfor kraftverksutløp. Og vi ber om tilbakemelding på desse endringane, sjå tabell under.
- 5. Fiskereglar i munningsfredingssonene
I munningsfredingssonene er alt fiske etter anadrom laksefisk og saltvassfisk forbode, med unntak av:
|
|
Forslag til ny § 5a, c, d og § 6 |
|
§ 5a |
Fiske etter anadrom laksefisk med stong og handsnøre frå land, is og båt i perioden det er opna for fiske etter den aktuelle arten i vassdraget. I munningsfredingssoner som omfattar fleire vassdrag følgjer fisketida det strengast regulerte vassdraget |
|
§ 5 c |
Fiske med stong og handsnøre frå båt i rørsle (dorging) i perioden vassdraget er ope for fiske. Fiske etter laks og sjøaure følgjer fisketida til den aktuelle arten i vassdraget. I munningsfredingssoner som omfattar fleire vassdrag følgjer fisketida det strengast regulerte vassdraget.
|
|
§ 5 d |
Fiske etter saltvassfisk med not, snurrevad og trål, når reiskapen vert brukt i yrkesfiske av fiskarar som er oppførte i fiskarmanntalet og frå fartøy som er registrerte i merkeregisteret for norske fiskefartøy, men ikkje nærare grensa mellom elv og sjø (elvemunning) enn 500 meter.
Unntaket for fiske med not, snurrevad og trål gjeld likevel ikkje i munningsfredingssonene utanfor Daleelva i Vaksdal kommune og Vossovassdraget i Voss herad.
|
|
§ 6 |
Det er tillate å fiske etter laksefisk og saltvassfisk ved kraftverksutløp heile året, med følgjande unntak:
- Kraftverksutløp som munnar ut i ein munningsfredingssone; her gjeld fisketida for munningsfredingssona. - I områda utanfor følgjande kraftverk er alt fiske forbode:
a) Ei sone på 100 meter i sjøen utanfor Kraftverk 5 i Høyangsfjorden i Høyanger kommune. b) Utanfor kraftverka Svelgen I og II i Svelgen, frå søre elvebreidd der Svelgselva møter fjorden (6854217 304550) og om lag 140 meter nord aust til eit knekkpunkt på kaia nord for stasjonskaia (6854343 304606) i Bremanger kommune.
|
Offentleg ettersyn
Saksdokumenta, inkludert høyringsbrevet, finn du til høgre på denne nettsida.
Merknader til andre gongs høyring av forskrift om fiske utanfor vassdrag med anadrom fisk i Vestland kan du sende til sfvlpost@statsforvalteren.no, eller til Statsforvaltaren i Vestland, Njøsavegen 2, 6863 Leikanger. Merk saka med saksnummer 2021/12072. Frist for å gje fråsegn er 20. desember 2023.
Alle fråsegner blir registrerte i vår postjournal. Alle må difor skrive under med fullt namn.
- Høringsfrist:
- 20. desember 2023 23:59
Dokumenter
Anandrom laksefisk
Anadrom laksefisk omfattar laks, sjøaure og sjørøye. At dei er anadrome betyr at dei veks opp i ferskvatn, og vandrar ut i fjorden (aure og røye) eller havet for å beite (laks).
Rogna kan berre klekke i ferskvatn, og fisken gyt som regel i vassdraget dei er fødd i.