Søknad om løyve til utslepp av reinsa tunneldrivevatn frå bygging av Straumetunnelen

I samband med prosjektet Sotrasambandet og bygging av Straumetunnelen er det behov for utslepp av reinsa tunnel- og anleggsvatn. Straumetunnelen vil bestå av to parallelle enkeltrøyrs tunnelar. Den vestgåande tunnelen har ein total lengde på 838,50 meter, den austgåande tunnelen har en total lengde på 858 meter.

Tunnelvatn/anleggsvatn omfattar vatn frå boring og sprenging av tunnel, og vatn som lekker inn i tunnelen frå kringliggande berg.  Alt tunnelvatn skal reinsast før utslepp til resipient. Det er vurdert to moglege utsleppspunkt – utslepp direkte til elva Lille-Sotra som renner ut i sjø ved Stekervika i Arefjorden, alternativt skal vatnet sleppast direkte til sjø i Stekervika etter reinsing.

Start av arbeidet er planlagt i mai 2024. Driftsperioden er estimert til ca. 40 veker.

Offentleg ettersyn

Saksdokumenta finn du til høgre på denne nettsida.

Merknader til søknaden kan du sende til sfvlpost@statsforvalteren.no, eller til Statsforvaltaren i Vestland, Njøsavegen 2, 6863 Leikanger.

Merk saka med referansenummer 2022/16835. Frist for å gje fråsegn er 26. april 2024.

Alle fråsegner vert registrerte i vår postjournal. Alle må difor skrive under med fullt namn.