Søknad om løyve til utfylling i sjø - utviding industriområde- Døsjaneset i Øygarden kommune

Høringsfrist:
12. mai 2025 23:00
Oversikt over nytt utfyllingsområde merka med raudt

Brødrende Ulveseth Eigedom AS søkjer om løyve etter forureiningslova til anleggsarbeid i sjø. Døsja industeriområde skal utvidast med utfylling i sjø. Døsjeholmen i Øygarden kommune

Publisert 01.04.2025

Utfyllinga er estimert til 174 000 m3 sprengstein i sjø over eit sjøbotnareal på 25 250 m2. Rådgivende Biologer har utarbeidd ei risikovurdering for anleggsarbeidet i sjøen og har søkt om ulike avbøtande tiltak for å redusere fare for forureining og negativ påverknad på marine naturtypar og registrerte fiskeriinteresser til eit akseptabelt nivå. Det skal mellom anna nyttast siltgardin rundt utfyllingsområdet, og utfylling skal ikkje skje i gyteperioden til torsk i Døsje gytefelt, som er sett til frå februar til april. Forventa oppstart er i august 2025, med ei varigheit fram til februar 2026, om lag seks månader.

Offentleg ettersyn

Saksdokumenta finn du til høgre på denne nettsida.

Merknader til søknaden kan du sende til sfvlpost@statsforvalteren.no, eller til Statsforvaltaren i Vestland, Njøsavegen 2, 6863 Leikanger.

Merk saka med referansenummer 2025/5372. Frist for å gje fråsegn er 12. mai 2025.

Alle fråsegner vert registrerte i vår postjournal. Alle må difor skrive under med fullt namn.