Mudring i Vågen ifb marinarkeologiske undersøkingar - høyring av søknad om løyve etter forureiningslova
- Høyringsfrist:
- 3. august 2026 23:00
Bergen kommune ved Renere havn Bergen søkjer om løyve etter forureiningslova til å grave i forureina sediment i Vågen. Cowi har i vedlagd søknad risikovurdert arbeidet i Vågen og føreslått avbøtande tiltak for å redusere faren for forureining og negativ påverknad til eit akseptabelt nivå. Vi ber om uttaler innan 3. august 2026
Bergen kommune er gjennom prosjektet «Reinare Hamn Bergen» klar til å gjennomføre ei opprydding av ureina sjøbotn i Vågen. Sjøbotnen er sterkt forureina.
Vågen er eit automatisk freda kulturminneområde som omfattar både Middelalderbyen Bergen og skipsfunn. Før sjølve miljøoppryddinga kan starte, må området «frigjevast» av kulturminnemyndigheitene. Det må gjennomførast omfattande marinrarkeologiske utgravingar før det fysiske arbeidet med sjølve oppryddinga kan starte.
Søknaden dekkjer mudring av totalt 650 m³ ureina sediment fordelt på fem sjakter, som er organiserte i to fasar:
Fase 1: Omfattar utgraving av sjakt 5 (mellom Munkebryggen og Nykyrkjekaien), planlagt gjennomført hausten 2026.
Fase 2: Omfattar utgraving av sjakt 1–4 (ved Bradbenken, Bryggen og Strandkaien), planlagt gjennomført tidlegast i 2027 – jf. figur 1
Offentleg ettersyn
Saksdokumenta finn du til høgre på denne nettsida.
Merknader til søknaden kan du sende til sfvlpost@statsforvalteren.no, eller til Statsforvaltaren i Vestland, Njøsavegen 2, 6863 Leikanger.
Merk saka med referansenummer 2025/14139. Frist for å gje fråsegn er 3. august 2026.
Alle fråsegner vert registrerte i vår postjournal. Alle må difor skrive under med fullt namn
- Høyringsfrist:
- 3. august 2026 23:00
Kontaktpersonar
-
Magne Nesse
Tlf: 55 57 23 35