Seminar om teneste- og tiltaksutvikling i barnevernstenesta

Som ein del av ei stor satsing på gode og heilskaplege tenester til born og unge, samarbeider mange av kommunane i Vestland om ulike utviklingsprosjekt. Fleire av prosjekta har som mål å bidra til auka kvalitet i tenestetilbodet og sikre tilgang på best moglege hjelpetiltak til utsette barn, unge og deira familiar.

Samlinga tek sikte på å bidra til erfaringsutveksling mellom kommunane i Vestland. Seks pågåande utviklingsprosjekt skal legge fram sitt arbeid og sine erfaringar. Samlinga skal også være ein stad der ein kan etablere kontakt med andre kommunar og kompetansemiljø som ønskjer å samarbeide om utvikling.

Institutt for samfunnsforskning vil halde innlegg om dilemmaer og moglegheiter ved etablering av kommunale butiltak. Nokre kommunar vil dele erfaringar og utfordringar i arbeidet med å etablere og drifte slike tilbod i eigen kommune. Norsk utviklingssenter for barn og unge (NUBU) og Haugesund kommune vil fortelje om erfaringane som er gjort så langt i det nasjonale prosjektet "Grunnmodell for hjelpetiltak i barnevernet" (les meir om dette under lenkjer).

Styringsgruppa vil også informere om planlagde aktivitetar i læringsnettverket og fristar for å søke om nye tilskot. Det vil òg bli høve til å stille spørsmål kring utviklingsarbeid til Statsforvaltaren og kompetansemiljøa.

Praktisk informasjon

For å delta på samlinga, må du melde deg på nedst på denne sida. Det er gratis å delta. Lenkje til Teams-møtet blir sendt ut 5. april.

Ved å melde deg på denne samlinga samtykker du samtidig til at namn og e-postadresse blir synleg i ein Outlook-invitasjon, i Teams-møte og kan delast med medarrangørar. Les meir om personvern her.