Regional erfaringskonferanse for Kompetanseløftet

Utdanningsdirektoratet og Statsforvaltaren i Rogaland arrangerer erfaringskonferanse om Kompetanseløftet for spesialpedagogikk og inkluderande praksis i Stavanger 8. og 9. november 2023.

Konferansen tek sikte på å gje deltakarane relevant fagleg påfyll, moglegheit til å dele erfaringar på tvers av fylkesgrensene, og slik gi inspirasjon og støtte til vidare arbeid med Kompetanseløftet.

Konferansen er for deltakar frå fylka Møre og Romsdal, Vestland, Agder og Rogaland.

Kompetanseløftet er eit tiltak for leiarar og tilsette i barnehage, skule og PPT, og skal bidra til at den spesialpedagogiske hjelpa er tett på dei barna og elevane som har behov for det. Målet er at alle barn og unge opplever eit godt tilpassa og inkluderande tilbod i barnehage og skule.

Du kan melde deg på og finne meir informasjon om konferansen her.