Lokal hjort på menyen til eldre
Matstova på omsorgssenteret var pynta til fest. Kokkelærlingane på det kommunale kjøkkenet overraska med gryte og biffsnadder av lokal hjort, henta frå skogen.
Dette innholdet er mer enn ett år gammelt. Informasjonen kan derfor være utdatert.
Matgledekorpset i Vestland har i tett samarbeid med lokale aktørar og Sunnfjord kommune testa ut korleis det er mogeleg å få lokalt hjortekjøt på menyen. Kokkar og kokkelærlingar opplevde det både som inspirerande og interessant å få arbeide med lokale råvarer, og resultatet sette dei eldre stor pris på! Vi håpar erfaringane frå Sunnfjord kan vere med å inspirere fleire kommunar til å sette lokal hjort på menyen.
Erfaringar frå Sunnfjord er dokumentert i lenker og vedlegg til denne saka.
Matgledekorps var ei satsing frå Landbruks- og matdepartementet (LMD) der målet var å skape meir mat- og måltidsglede hjå eldre. Gjennom strategien «Gylne Måltidsøyeblikk» var dette ein del av oppfølginga av arbeidet med Matnasjonen Norge.
Prosjektet «Matgledekorpset i Vestland» er no avslutta. På www.matgledekorpset.no deler alle korpsa sine erfaringar og her er mange dokument, filmsnuttar og podcast som gjev inspirasjon og råd til korleis skape auka mat- og måltidsglede for eldre i kommunen.
