No sender vi digital post i Møre og Romsdal. Kva bør du gjere?

Heile 67 000 dokument gjekk ut eller inn hos Fylkesmannen i Møre og Romsdal i 2017. Det meste av dette var vanleg brevpost. Frå våren 2018 skal alle brev sendast digitalt frå oss.

På landsbasis sender det offentlege ut rundt åtte brev per innbyggar i året. Det svarar til 40 millionar brev. Å senda desse breva kostar 400 millionar kroner årleg. Dette er pengar som kan brukast til andre viktige ting.

Kva bør du gjere?

For privatpersonar:

For å ta i mot ei digital sending må ein ha ei digital postkasse.  Om lag 1,8 millionar innbyggarar har oppretta ein slik. Med digital postkasse får di ei sikker løysing for å ta i mot og lagre (arkivere) viktig post digitalt. I tillegg kjem svaret raskare når du slepp å vente på postgangen.

Fylkesmannen kan ikkje sende sensitiv e-post til ein e-postkonto av omsyn til informasjonssikkerheit. Med ei digital postkasse blir informasjonssikkerheita ivareteke.

For offentlege og private verksemder:

Offentlege verksemder som har integrasjon med SvarInn eller eFormidling vil få elektroniske sendingar frå Fylkesmannen direkte inn i sitt sak- og arkivsystem. Dersom ein ikkje har desse vil dei elektroniske dokumenta komme fram til verksemda sin meldingsboks i Altinn (knytt til organisasjonsnummeret). Private verksemder vil få dei elektroniske dokumenta i sin meldingsboks i Altinn.

Som privatperson har du to digitale alternativ å velje mellom:

e-Boks eller Digipost

Enten opprettar du ein digital postkasse hos e-Boks eller Postens Digipost. Det er heilt opp til deg. Fordelane for deg er mange:

• Du mottar posten med ein gong
• Du har tilgang til posten over alt
• Du sparer miljøet (mindre papirbruk, færre      utskrifter og redusert transportbehov)
• Både du og vi sparer porto på å velja digital      post.

Har du alt digital postkasse?

Viss det er lenge sidan du har logga deg inn, er det lurt å gjera det no for å:

• Sjekke at kontaktinformasjonen din er rett
• Bestille varsling på SMS eller e-post når du      får brev frå det offentlege

Kan du sende digitalt til Fylkesmannen i Møre og Romsdal?

Ja. Den sikraste og føretrekte måten du tar kontakt med oss på, er å bruka eit digitalt meldingsskjema, «Send sikker melding».

Du loggar inn via ID-porten, eit felles og sikkert innloggingssystem for offentlege tenester. Fordelen er at du kan sende (person)sensitiv informasjon gjennom denne løysinga. I tillegg handterer systemet store vedlegg.

Dersom det ikkje er sensitiv informasjon, kan du sende oss ein epost til fmmrpostmottak@fylkesmannen.no .

Separasjon, skilsmisse eller mobbing?

Det er verdt å merke seg at det finst digitale løysingar for det meste. Skal du til dømes melda frå om mobbing i skulen? Skal du søke separasjon eller skilsmisse? Det finst eigne digitale skjema for dette. Alle desse skjemaa er samla i ein felles portal. Merk at det finst eigne digitale løysingar som gjeld verjemål.

Får du ikkje brev frå oss på papir?

Jo, det gjer du viss:

• Du ikkje har oppretta digital postkasse
• Du aktivt har reservert deg mot å få digitale brev frå det offentlege

Systemet vårt er lagt opp slik at dersom du har digital postkasse, sender vi til denne adressa. Har du det ikkje, kjem brevet som vanleg brevpost.