Kongens Fortjenstmedalje til Berit «Bibbi» Bøhn

Ordførar i Aure kommune, Henning Torset, overrekker Kongens Fortjenstmedalje til Berit Bøhn under Trondheim Kammermusikkfestival.
Ordførar i Aure kommune, Henning Torset, overrekte Kongens Fortjenstmedalje til Berit Bøhn. Foto: Kristian Wanvik/Trondheim Kammermusikkfestival.

Søndag 28. september blei Berit «Bibbi» Bøhn heidra med Kongens Fortjenstmedalje. Ordførar i Aure kommune, Henning Torset, overrekte medaljen under Trondheim Kammermusikkfestival.

Publisert 03.10.2025

Berit Bøhn har i fleire tiår vore ein sentral aktør i norsk musikkliv – med eit brennande engasjement for å styrke det kulturelle og musikalske miljøet, både nasjonalt og internasjonalt. Ho har vore rådgjevar, prosjektleiar og frivillig i ei rekkje institusjonar og festivalar, mellom anna Hardanger Musikkfest, Ungdomssymfonikerne, Oslo Kammermusikkfestival, Risør kammermusikkfest og Dronning Sonja Internasjonale Musikkonkurranse.

Ordførar i Aure kommune, Henning Torset, gratulerer Berit Bøhn med Kongens Fortjenstmedalje.
Berit Bøhn fekk Kongens Fortjenstmedalje overrekt under Trondheim Kammermusikkfestival. Aure-ordførar Henning Torset gratulerte ho med heideren. Foto: Kristian Wanvik/Trondheim Kammermusikkfestival.

I tillegg har ho gjort ein uvurderleg innsats i helsesektoren, der ho har kopla musikk og kultur til behandling av alvorleg sjukdom ved Kreftavdelinga på St. Olavs Hospital. Filosofien hennar om menneskeverd har gitt pasientar og pårørande håp og glede i krevjande tider. Ho har via livet sitt til musikken, og innsatsen hennar har sett varige spor.

Vi gratulerer med velfortent heider!

Kontaktpersonar