Tilskotsordning for behandling og rehabilitering retta mot arbeid og utdanning
Helsedirektoratet har lyst ut ei tilkotssordning der målet er å inkludere arbeidsdeltaking som eit ledd i utgreiing og behandling av personar med moderate til alvorlege psykiske lidingar og/eller rusmiddelproblem.Tilskotet bidrar til at pasientar som ønskjer deltaking i arbeidslivet kan nyttiggjer seg arbeidsevna si, komma i ordinært lønt arbeid og behalda tilknytinga til arbeidslivet.
Publisert 20.02.2024
Formålet med tilskotsordninga er å
- Styrke utbreiing av talet på verksemder som tilbyr IPS og arbeidsretta behandling/rehabilitering frå arbeids-/utdanningsspesialist i etablerte ACT, FACT og FACT ung-team
- Auka kunnskap og kompetanse om IPS hos tilsette innan psykisk helse- og rustenester i kommunar, psykisk helsevern og tverrfagleg spesialisert rusbehandling (TSB) i spesialisthelsetenesta
- Styrke kvaliteten i eksisterande IPS-tilbod
- Gjennomføre opplærings- og kompetansetiltak knytt til IPS som varetek brukarmedverknad og behovet til tenestene
- Bidra til vidareutvikling av IPS, gjennom brukarmedverknad og samarbeid med psykisk helse- og rustenester i kommunar, psykisk helsevern og TSB i spesialisthelsetenesta, NAV, arbeidsgivarar, Arbeids- og velferdsdirektoratet, NAPHA og andre relevante kompetansemiljø
Endeleg målgruppe er pasientar som er i behandling i den kommunale helse- og omsorgstenesta, psykisk helsevern eller TSB i spesialisthelsetenesta.
Søknadsfrist: 19.april 2024
For meir informasjon om ordninga og søknadsskjema, sjå lenkje til Helsedirektoratets nettsider i høgremenyen