Informasjonsbrev veke 32/2025

Forvaltningssamling jord 16. - 17. september - påmeldingsfrist 1. september 

Statsforvaltaren inviterer tilsette i kommunane til forvaltningssamling jord 16. - 17. september på Scandic Alexandra i Molde. Samlinga skal inspirere og gje fagleg oppdatering, kompetanseheving, bidra til likebehandling og vere ein nettverksarena. 

Program og påmelding finn du her. 

Påmelding innan 1. september. 

Velkomen til fagsamling og nettverksbygging! 

Kontaktperson:  Tone Helen Rørseth

Den nasjonale Kulturlandskapsprisen tildelt gardbrukarar i Sunndal 

Den nasjonale Kulturlandskapsprisen 2025 er tildelt gardbrukarane på Østigard Flatvad i Sunndal kommune, Knut Flatvad og Rita Dyrnes Flatvad. 

Ekteparet på Østigard Flatvad vann Kulturlandskapsprisen i Møre og Romsdal i 2024.  Statsforvaltaren nominerer fylkesvinnaren som kandidat til den nasjonale kulturlandskapsprisen påfølgande år. 

Prisen vart delt ut måndag 28. juli av landbruks- og matminister Nils Kristen Sandtrøen, under ei markering på garden. Les meir om prisutdelinga her. 

Kontaktperson: Marie Teigland 

“Ta et tak”-aksjon 2025 

Stiftinga Norsk Kulturarv har ein «Ta et tak»-aksjon, retta mot våningshus, driftsbygningar, stabbur, naust mm. 

Meir informasjon om tilskot, kriterie og søknadsskjema finn du her. 

Veksande tømmerpris, men nedgang i tømmerhogst 

Tømmerprisen held fram med å auke, og gjennomsnittleg pris for alt tømmer levert i juni var på 920 kroner per kubikkmeter. Mengde innmålt tømmer første halvår i 2025 er likvel noko lågare enn i 2024. 

Meir om dette finn du her. 

 Kontaktperson: Odd Løset