På tide med kommunal jordvernstrategi?
No kan kommunane søke om midlar frå Landbruksdirektoratet til utarbeiding av kommunal jordvernstrategi. Søknadsfristen er 15. april.
Målgruppa for tilskotsordninga er kommunar, og særskilt dei med stort utbyggingspress på jordbruksareal og som snart skal rullere kommuneplanen.
Føremålet med å utarbeide ein jordvernstrategi er auka kunnskap om jordbruksareala og auka merksemd rundt bevaring av matjord. Ein ønska effekt av arbeidet er å redusere nedbygginga av dyrka og dyrkbar jord i kommunen.
Søknadsfrist 15. april
I Møre og Romsdal har mellom anna Ørsta, Volda, Giske og Rauma tidlegare fått midlar til å utarbeide kommunal jordvernstrategi.
Statsforvaltaren ønskjer at fleire kommunar i Møre og Romsdal vil søkje på midlane.
Det er Landbruksdirektoratet som behandlar søknadane, og søknadsskjema finn du på sida deira Utlysning av midler til utarbeiding av kommunale jordvernstrategier.