Statsforvaltar Else-May Botten har fått Heimevernets Fortjenstmedalje
Statsforvaltaren får medaljen for fremragende innsats for Heimevernet og Forsvaret.
Publisert 10.03.2026
– Dette var ei positiv overrasking frå Heimevernet! Utruleg kjekt å få, og eg har forstått at denne heidersprisen heng høgt. Som statsforvaltar er det viktig at vi byggjer ei totalberedskap som gir motstandskraft. Vi har eit godt samarbeid mellom Forsvaret og den sivile beredskapen i Møre og Romsdal. Det er viktig, og blir styrka heile vegen, seier statsforvaltar Botten.
I begrunnelsen for tildelinga står det mellom anna:
«Statsforvalter Else-May Botten har gjort en særskilt innsats for samfunnssikkerhet og totalberedskap og det nære samarbeidet mellom sivile og militære myndigheter i Møre og Romsdal. Den lokale og regionale innsatsen har gitt en nasjonal effekt og synliggjøring av Heimevernet.»
Heimevernets Fortjenstmedalje kan bli delt ut til norsk og utanlandsk militært og sivilt personell som på ulikt vis har gjort ei særleg stor og usjølvisk innsats for Heimevernets sak.
Medaljen blei delt ut under Sikkerheits- og beredskapskonferansen "Møre Jarl 2026" i Ålesund. Konferansen arrangerast av Heimevernet, Sunnmøre forsvarsforeining, NTNU og Statsforvaltaren i Møre og Romsdal.