Tilskot til oppfølging av vaksne med behov for langvarig oppfølging og samansette tenester

Tenestetilbod skal utviklast og setjast i verk saman med brukarar/pasientar, og tenesteutviklinga skal skje på målgruppa sine eigne arenaer og premissar. Metodane og modellane skal vera kunnskapsbaserte og omstilling av eksisterande tenester skal vera i retning av meir oppsøkjande, samanhengande og integrerte.

Tilskotet blir behandla etter følgjande prioriteringar:

1. prioritet: Tilskot til ACT - og FACT - team
2. prioritet: Tilskot til andre allereie utprøvde kunnskapsbaserte modellar, sjå nærare omtale i regelverket for tilskotet.

Søkjar kan velja å utvikla tiltak gjennom kommunale tiltak/tenester, interkommunalt samarbeid eller i samarbeid med helseføretak og kommune. Kommunen skal stå som hovedsøkjar, også når det blir søkt om midlar til tiltak saman med helseføretak. Søknaden skal då utarbeidast i fellesskap mellom deltakande kommunar og helseføretaket. Det blir føresett at ein samarbeidsavtale for det tiltaket/prosjektet det blir søkte midlar til, blir søknaden vedlagd.

NB! For nye søknader under prioritet 2 i ordninga er det ei endring i regelverket, der beløpet det kan søkjast om er totalt 1,5 mill. kr. per år. For tilskotsmottakarar som fekk tilskot førre år gjeld regelverket slik det er omtala året tilskotet er innvilga.

Søknadsskjema, rapporteringsskjema, skjema for økonomirapport og regelverk finn du under "Dokument", og på heimesida til Helsedirektoratet: Oppfølging av voksne med behov for langvarig oppfølging og sammensatte tjenester - Helsedirektoratet

Søknad om tilskot 2025 og rapportering for 2024

Vi oppmodar søkjarane om å lese regelverket nøye før de fyller ut både søknads- og rapporteringsskjemaet.

Søknadsskjemaet sender de som vedlegg i e-post til sfmrpost@statsforvalteren.no innan 11. april.

Krav til kva informasjon som skal stå i rapporten finn de under punkt 7 i regelverket.

Rapporteringsskjemaet og økonomirapport skal de sende som vedlegg i e-post til sfmrpost@statsforvalteren.no innan 1. april 2025.