Endra tilsynsordning for barn i forsterheim
Frå 1. februar 2014 er det kommunen og ikkje barnevernstenesta som skal føre tilsyn.
Dette innhaldet er meir enn eitt år gammalt. Informasjonen kan derfor vere utdatert.
Barnevernlova § 4-22 om tilsyn med barn i fosterheim er endra. Heretter er det kommunen, ikkje barneverntenesta, som skal sjå til at alle barn i fosterheim får forsvarleg omsorg.
Lovendringa gjev samstundes kommunen fridom til å bestemme korleis dei vil organisere dette arbeidet, mellom anna kan dei sjølve bestemme kven som skal gjennomføre tilsynet. Dei må ikkje lenger peike ut ein bestemt tilsynsførar for kvart barn, men dei kan på den andre sida la dagens tilsynsførarar gjennomføre tilsynet der denne ordninga har fungert godt.
Målet med lovendringa er å styrke tilsynet gjennom eit meir profesjonelt og tydeleg kommunalt ansvar.
Reglar for tilsynet er gitt i forskrift om fosterhjem paragraf 8 og 9. Forskrifta gjev blant anna reglar om krav til tilsynets innhald, innhaldet i tilsynsrapportane og oppfølging av dei.