Renovasjonsservice AS søkjer om utvida løyve etter forureiningslova
- Høyringsfrist:
- 16. februar 2026 23:59
Renovasjonsservice AS har sendt søknad til Statsforvaltaren i Rogaland om å utvide løyvet for sorteringsanlegget for næringsavfall på Jærvegen 146 i Time kommune.
Publisert 15.01.2026
Dette søkjer dei om
Endringane omfattar:
- Mottak og mellomlagring av park- og hageavfall.
- Utvida ramme for mottak og lagring av EE-avfall.
- Mottak og mellomlagring av farleg avfall frå byggebransjen, inkludert impregnert trevirke, isolerglassruter, asbest, avfall med brommerte flammehemmarar, blybatteri, gulvbelegg med ftalatar og lysstoffrør.
Statsforvaltarens merknader
Søknaden blir handsama etter forureiningsforskrifta kapittel 36. Fordi gjeldande løyve er over 10 år gammalt, vil Statsforvaltaren vurdere å ta heile løyvet opp til revisjon samtidig med behandlinga av søknaden, jf. forureiningslova § 18 tredje ledd.
Offentleg ettersyn
Du kan kome med merknader til søknaden innan 16. februar 2026. Merknader kan sendast til: sfropost@statsforvalteren.no, eller Statsforvaltaren i Rogaland, Postboks 59, 4001 Stavanger.
Merk saka med referanse: 2024/11007. Alle uttaler blir arkiverte i vår postjournal.
- Høyringsfrist:
- 16. februar 2026 23:59