2021 var eit kjempeår for gründerar i Ytre Ryfylke

Kven er gründerane?

Om lag halvparten av dei som tok kontakt var heilt nye gründerar som hadde tankar om å starte eiga verksemd. 10 % frå Forsand, 29 % frå Hjelmeland og 46 % frå Strand. I tillegg har det vore 15 % frå andre kommunar. Dette gjeld særleg spørsmål om frukt og bær. 44 % av gründerane hadde landbrukstilknytning. Dei fleste spør om frukt, reiseliv og matforedling, men det er alle slags spørsmål og bransjar det er førespurnader om. I 2021 var det 40 % kvinner, noko som er litt høgare enn året før, men det plar ligge omtrent der.

Dei som er arbeidsledige kan søke om å behalde dagpengane under etablering av ny verksemd. Då treng dei ei næringsfagleg vurdering. I 2021 var det berre 7 arbeidsledige som fekk skrivne slike næringsfaglege vurderingar, mot 11 året før. Det er flest menn som tek kontakt. 

Møte, kurs og samlingar for gründerar

I 2021 vart det arrangert 10 møte, kurs og samlingar. Det var webinar om reiseliv og lokalmat, gardvarmeanlegg, samt nokre fysiske inspirasjonssamlingar for nyetablerarar og reiseliv. Slike samlingar resulterer i mellom anna inspirasjon og nettverksbygging. Om lag 500 personar var med på desse arrangementa i løpet av 2021.

Pengar til Ytre Ryfylke

Frå Innovasjon Norge vart det i 2021 løyvd 108 millionar kroner i lån og tilskot til prosjekt i Ytre Ryfylke. Dette er det meste som nokon gong i dette området. 89 millionar kroner blei gitt i lån til 3 verksemder og 19 millionar i tilskot til 28 føretak (tabell 1).

Den prosentvise fordelinga mellom kommunane er 10 % til Hjelmeland, 89 % til Strand og 1 % til Sandnes (Forsand). I 2020 var fordelinga 37 % til Hjelmeland, 35 % til Sandnes (Forsand) og 28 % til Strand.

Tabell 1: Midlar frå Innovasjon Norge til Ytre Ryfylke fordelt på type næring.