Skjønnstilskot for 2027
Kvart år deler Statsforvaltaren i Rogaland ut ordinære skjønnstilskot etter ei heilskapleg vurdering av økonomi og behov i kommunane.
Skjønnsramma som er tildelt Rogaland for 2026 er på 58,95 millionar kroner. Det er ei auke av skjønnsramma frå 57,8 millionar kroner for 2026. Skjønnsramma har vi igjen delt inn i følgjande tilskot:
- 33,05 millionar kroner til ordinært skjønnstilskot
- 20 millionar kroner til utvikling og innovasjon (prosjektskjønn)
- 5,9 millionar kroner til restskjønn ved naturskade
Tabellen under syner kor mykje den enkelte kommunen har fått i ordinært skjønnstilskot for 2027. Prosjektskjønn og restskjønn vert fordelt til kommunane seinare.
Kommunenr. |
Kommunenamn |
Tilskot i heile kroner |
| 1101 | Eigersund | 2 000 000 |
| 1103 | Stavanger | 4 300 000 |
| 1106 | Haugesund | 4 005 000 |
| 1108 | Sandnes | 600 000 |
| 1111 | Sokndal | 1 500 000 |
| 1112 | Lund | 1 200 000 |
| 1114 | Bjerkreim | 100 000 |
| 1119 | Hå | 800 000 |
| 1120 | Klepp | 900 000 |
| 1121 | Time | 600 000 |
| 1122 | Gjesdal | 1 600 000 |
| 1124 | Sola | - |
| 1127 | Randaberg | 3 370 000 |
| 1130 | Strand | 5 225 000 |
| 1133 | Hjelmeland | 1 760 000 |
| 1134 | Suldal | - |
| 1135 | Sauda | 200 000 |
| 1144 | Kvitsøy | 590 000 |
| 1145 | Bokn | - |
| 1146 | Tysvær | 800 000 |
| 1149 | Karmøy | 2 500 000 |
| 1151 | Utsira | - |
| 1160 | Vindafjord | 1 000 000 |
|
SUM ordinært skjønnstilskot |
33 050 000 |
|
|
Til utvikling- og innovasjon |
20 000 000 |
|
|
Til restmidlar |
5 900 000 |
|
|
SUM |
58 950 000 |
Du finn vår grunngjeving for fordelinga av ordinære skjønstilskot i eit eige brev til kommunane, sjå sidemenyen.
Gode resultat i 2025 – Blir det ein vidare bedring i 2026?
2025 blei eit godt år for kommunane etter fleire år med svake resultat. Gjennomsnittleg netto driftsresultat for alle kommunar i landet blei på 2,6 %. Det gode resultatet skuldas både at regjeringa sørga for ei historisk sterk inntektsvekst frå 2024 til 2025 på om lag 19 mrd. kroner, men òg fordi fleire kommunar gjorde ein god omstillingsjobb og fekk bremsa kostnadane.
Regjeringa har lagt opp til ei styrking av kommuneøkonomien og i 2026. Realveksten i frie inntekter utover meirutgifter til demografi frå i fjor til å år reknast til i underkant av 2 mrd. kroner målt frå rekneskapen for 2025 til no.
Kommuneopplegget 2027
Regjeringa foreslår ein realvekst i frie inntekter på 3,2 mrd. kroner til kommunesektoren, og av desse 2,6 mrd. kroner til kommunane og 0,6 mrd. kroner til fylkeskommunane. Tar ein høgde for meirkostnader til demografi, er handlingsrommet redusert til 0,5 mrd. kroner, der 0,4 mrd. kroner går til kommunane. Veksten i frie inntekter på 3,2 mrd. kroner kjem i tillegg til kompensasjonen for pris- og lønnsvekst og oppgåve endringar på 22 mrd. kroner i 2027.
Det er foreslått at den kommunale skattøyren blir 13,40 prosent for 2027 for kommunane. Det er høgare enn i 2026 der den var 11,35 prosent.
Den kommunale deflatoren går ned
Den kommunale deflatoren er ein indeks for berekna kostnadsutvikling i kommunal sektor i form av pris- og lønnsvekst og bidrag frå meirkostnader pensjon. I 2026 var den kommunale deflatoren på 4 prosent inkludert bidrag frå pensjon. For 2027 er deflatoren sett til 3,8 prosent, sjå tabell under. For 2027 er det anslått ein vekst på 0,5 prosent i meirkostnadar til pensjon.
Deflator |
2026 |
2027 |
Lønnsvekst inkl. pensjon |
3,5 pst | 4,5 pst. |
Lønnsvekst |
4,4 pst. | 4,0 pst. |
Bidrag frå meirkostnader pensjon |
-0,9 pst. | 0,5 pst. |
Prisvekst kjøp av varer og tenester |
4,8 pst. | 2,9 pst. |
Lønnsdel |
59 pst. | 59 pst. |
Deflator |
4 pst. | 3,8 pst. |
Deflator utan bidrag frå pensjon |
4,6 pst. | 3,6 pst. |
Kva er nytt?
- Investeringstilskot til 1 750 nye heldøgns omsorgsplassar.
Regjeringa føreslår ei tilsagnsramme for investeringstilskot for heldøgns omsorgsplassar som gjer rom for om lag 1 750 nye plassar.
- Omstillingstilskot innan helse og omsorg.
Regjeringa føreslår å samle ein rekke tilskot under Kompetanseløft 2025 for å opprette eit meir fleksibelt omstillingstilskot til kommunana. Det er føreslått 681,7 mill. kroner til tilskotet. Omstillingstilskotet skal bidra til økt handlefridom for kommunane til å planlegge og gjennomføre tiltak tilpassa eigne føresetnadar og bidra til eit taktskifte i omstillingsarbeidet.
- Tiltak for økt bustadsbygging – 130 000 nye bustadar og nytt direktorat.
Frå 2027 vil det bli oppretta eit nytt bustads- og bygningsdirektorat ved å slå saman Husbanken og Direktoratet for byggkvalitet. I budsjettet for 2027 er det føreslått fleire tiltak for å nå regjeringa sitt mål om å legge til rette for igangsetting av 130 000 nye bustader innan 2030. Dette omfattar blant anna satsing på å gjere plan- og byggesaksprosessane digitale.
- Toppfinansieringsordninga for ressurskrevjande tenester.
Utbetalinga i 2026 var på 13,3 mrd. kroner og det er føreslått å løyve 14,3 mrd. kroner til toppfinansieringsordninga i 2027. Samstundes skal det strammast inn med 152,7 mill. kroner ved ei auke i innslagspunktet med 23 000 kroner utover lønnsveksten. Dette påverkar ikkje tenestemottakarens rettar, men gjer at kommunane vil måtte dekke om lag 1 prosent meir enn dei elles ville gjort.
- Havvindtilskot til Utsira kommune.
Regjeringa føreslår å løyve 3 mill. kroner og er tilsagnsfullmakt på 3 mill. kr til Utsira kommune som er direkte påverka av havvind-utbygginga i Utsira Nord. Dette er ei særordning for Utsira grunna kommunens særeigenheit knytt til geografisk plassering og størrelse.
- Nytt tinghus i Stavanger.
Regjeringa føreslår 5 mill. kroner til vidareføring av forprosjektet for nytt tinghus i Stavanger.
Kor finn ein meir informasjon?
På Regjeringa si nettside finn du:
- Alle budsjettdokument og pressemeldingane frå departementa.
- Særleg aktuelt er Kommunal- og distriktsdepartementet (KDD) sitt budsjettforslag
- Særleg aktuelt er også Grønt hefte, som syner fordelinga av rammetilskotet for den enkelte kommune.
- Du finn også informasjon om skattar og avgifter for 2027 på regjeringa si nettside. I fylkesoversikta finn ein regjeringa sine føreslåtte tiltak og satsingar for Rogaland.
Følg KS sitt stormøte om statsbudsjettet på ks.no kl 13:00 07.10.2026.