Orientering om nasjonale prøvar hausten 2022

Nasjonale prøvar og nye læreplanar

Alle nasjonale prøvar er justert slik at dei føl nye læreplanar. I tillegg vil nasjonale prøvar i engelsk frå hausten 2022 og inkludere ein ny lyttedel. Dette krev at elevane har hovudtelefonar under gjennomføringa.

Måling av utvikling over tid

Nye læreplanar og gjennomføring i nytt system får konsekvensar for måling av utvikling over tid (trend). Utdanningsdirektoratet startar ei ny trendmåling frå og med hausten 2022, det vil seie at det blir eit brot i trendmålingane. Dette betyr at resultat frå før 2022 ikkje nødvendigvis kan samanliknast direkte med resultat frå 2022.

Viktige datoar

Vurdering og skåring av opne oppgåver

Fristen for å vurdere opne oppgåver, for 8. og 9. trinn, er siste dag i gjennomføringsperioda 30. september kl. 23:59. Det er rektor sitt ansvar at alle opne oppgåver blir skåra innan fristen.

Dersom opne oppgåvene ikkje blir skåra innan gitt frist, blir oppgåvene sett til 0 poeng og automatisk bekrefta.

Prøvetid

Engelsk: 60 minuttar

Lesing og rekning: 90 minuttar

Brukarstøtte

Dersom det skulle oppstå uforutsette hendingar i gjennomføringsperioda, som at det til dømes oppstår tekniske problem eller at elevar ikkje får levert prøven, kontaktar rektor skuleeigar.

Ved behov kontaktar skuleeigar Statsforvaltaren på e-post: fmvteksamen@statsforvalteren.no.