Foryngingskontroll i skogbruket 2020 - kommunalt ansvar
Vi syner til brevet frå Landbruksdirektoratet om foryngingkontroll i skogbruket 2020 som ligg ved. Kommunane har ansvar for kontroll av forynging etter hogst, jf. §§ 6 og 20 i skogbrukslova. Forskrift om berekraftig skogbruk § 15 første og andre ledd gjeld og kommunane sitt ansvar i slike saker.
Det er oversikt i fagsystemet ØKS over dei 228 skogeigarane i fylket som skal bli kontrollerte.
Saker som ikkje blei ferdige tidlegare år, må dei aktuelle kommunane jobbe vidare med og prøve å få avslutta.
Vi vil ta hand om kommune- og fylkeskommunale skogar og ev. saker der kommunane er ugilde. Vi ber dykk ta kontakt i slike tilfelle.
Landbruksdirektoratet skriv at om kommunen sin kontroll er mangelfull, bør det bli vurdert om det skal få konsekvensar for tildeling av økonomiske verkemiddel på skogområdet.
Fristar 2020:
- 1. mai: Eigenmeldingsskjema sendt til skogeigarane (der kommunen ikkje kjenner saka)
- 1. juni: Registrering av svar i ØKS og ev. purring til skogeigarar som ikkje har svart
- 31. desember: Ajour så langt som mogleg