Vel 34 000 dekar verna skog i 2020

Det blei vedteke 8 nye skogreservat i Vestfold og Telemark i 2020, og 5 skogreservat er utvida. Totalt utgjer desse områda tilsaman 34 227 dekar nytt verneareal. Dette er omlag fem fotballbanar av internasjonal standardstorleik.

Oversikt over dei nye naturreservata:

Stor interesse for frivillig skogvern

Samarbeidet om frivillig vern av privateigd skog starta i 2003, og har vore svært vellukka. Interessa for frivillig vern av privateigd skog er stor, og ein vil arbeide vidare med å verne mange nye område dei næraste åra.

- Det er svært positivt at mange skogeigarar tilbyr frivillig vern. Utan innsatsen frå skogeigarane og deira organisasjonar hadde vi ikkje fått verna så mykje skog, seier klima- og miljøminister Sveinung Rotevatn.

Regjeringa sine mål og prioriteringar i skogvernet

I tillegg til å bidra til målet om 10 prosent skogvern, bidro vernevedtaka i 2020 til å nå to nasjonale mål for naturmangfald:
• Eit representativt utval av norsk natur skal takast vare på for komande generasjonar.
• Ingen artar og naturtypar skal utryddast, og utviklinga til trua og nær trua artar og naturtypar skal betrast.

- Vi skal verne dei viktigaste skogareala for å betre tilhøva for dei truga artane og naturtypane. I skogen har vi meir enn 1100 truga artar og eit ti-talls truga naturtypar. Hundrevis av insektartar, soppartar og enkelte fuglar er avhengige av daud ved og gamal skog. Difor er skogvern så viktig, seier klima- og miljøminister Sveinung Rotevatn.

Med vernevedtaket som vart gjort i mars 2021, er ca. 5,1 % av alt skogareal og omtrent 3,9 % av den produktive skogen verna etter naturmangfoldloven.