Tilskot til digitale læremiddel, infrastruktur, utstyr og kompetanse knytt til heimeundervisning

Målet for tilskotsordninga er å leggje til rette for digital heimeundervisning i samband med Covid-19-Utbruddet, gjennom å:

• Styrke digital infrastruktur og system, samt kompetanse på drift av desse
• Bidra til utjamning av levekårsforskjellar, der desse er til hinder for digital heimeundervisning

Tiltaka skal rette seg mot elevar, lærlingar og lærekandidatar, medrekna vaksne, og lærarar i offentleg grunn- og vidaregåande skular i Noreg.

Aktuelle tiltak kan vere:

• nødvendig infrastruktur for å gjennomføre undervising heime, medrekna nettilgang
• hente inn kapasitet og/eller kompetanse i organisasjonen for å ivareta infrastruktur/fellesløysingar som blir brukte ved undervising heime
• digitalt utstyr som blir brukt til kommunikasjon mellom lærar og elev i ein situasjon med undervising heime. Dette kan vere utstyr til utlån eller gå inn i «ein til ein»-ordning.
• tilgang til digitale verkty for samhandling/kommunikasjon mellom lærar og elev

Det vert ikkje gitt stønad for allereie gjennomførde tiltak.

Tilskotsordninga er skjønnsmiddelordning. Ved løyving av skjønnsmidlar skal fylkesmannen gjere ei heilskapleg vurdering av kommunen/fylkeskommunen sitt behov.

Utdanningsdirektoratet har etablert ei eiga søknadsordning for friskular.