Høyring av søknad om anleggsarbeid i sjø - dumping av elvemassar i Årdalsfjorden
- Høyringsfrist:
- 9. februar 2026 23:00
Norconsult søkjer på vegne av Østfold Energi AS om løyve etter forureiningslova til anleggsarbeid i sjø for dumping av elvemassar frå Nysetelvi i sjøbotnsdeponi i Årdalsfjorden. Formålet med dumpinga er at Østfold Energi har behov for å rydde opp og fjerne eroderte elvemassar.
Det skal dumpast mellom 20 000 m3 og 30 000 m3 eroderte elvemassar frå Nysetelvi etter flaumen hausten 2024. Omtrentleg sjødjupne på deponiområde ligg på 240 m. Deponiets areal er om lag 30 000 m2. Massane er planlagde dumpa i sjøen ved tipping frå splittlekter.
Forventa varigheit for dumping i sjøen er enno ikkje kjend. Norconsult har føreslått avbøtande tiltak som blant annet å unngå tiltak i sjø i periodane for oppvandring av laks (april-juni), utvandring av laksemolt (juni-juli) og gyteperioden for kysttorsk (januar-april).
Norconsult har i den vedlagde søknaden skildra arbeida, gjort ei risikovurdering av anleggsarbeid og føreslått avbøtande tiltak for å redusere fare for forureining.
Offentleg ettersyn
Saksdokumenta finn du til høgre på denne nettsida.
Merknader til søknaden kan du sende til sfvlpost@statsforvalteren.no, eller til Statsforvaltaren i Vestland, Njøsavegen 2, 6863 Leikanger.
Merk saka med referansenummer 2025/12543. Frist for å gje fråsegn er 9. februar 2026.
Alle fråsegner vert registrerte i vår postjournal. Alle må difor skrive under med fullt namn.
- Høyringsfrist:
- 9. februar 2026 23:00