Regionalt innspelsmøte om ny opptrappingsplan for psykisk helse

Regjeringa har starta arbeidet med ein ny opptrappingsplan for psykisk helse. Planen skal omfatte heile det psykiske helsefeltet. Representantar frå den politiske leiinga i Helse- og omsorgsdepartementet vil delta i møte.

Målet med møtet

Innspelsmøtet skal bidra til god forankring, engasjement og forståing for arbeidet, og sikre at relevante aktørar har blitt høyrt i prosessen. Det er ønskje om innspel frå relevante aktørar om utfordringar på feltet, om mål, tiltak, verkemiddel og gode eksempel innan hovudområda i planen. Du kan lesa meir om opptrappingsplanen på regjeringa si heimeside og i programmet.   

Påmelding

Det er plass til 200 deltakarar. Dersom det vert fleire påmelde enn det er plass til, vil vi prioritere kven som kan få delta.