Frå fag til folk – samhandling i praksis

Strategisk kompetanseplanlegging, prioritering, endra organisering av- og oppgåvedeling i tenestene vert også tema. Dette er sentralt i mellom anna Bu trygt heime-satsinga.

Aktuelle spørsmål vi ønskjer å belyse er mellom anna:

• kan endring av strukturar og prosessar i helse- og omsorgstenestene bidra til å løyse demografiutfordringane og mangelen på arbeidskraft og knappe ressursar?
• er utdanningane tilpassa endringane og framtidige behov?
• korleis kan vi jobbe saman om løysingar og tiltak?

Endeleg program blir lagt ut her når det er klart.

Deltaking på konferansen

Statsforvaltaren dekker dagpakkar for inntil tre personar frå kvar kommune i Vestland. Dette må de avklare internt i kommunen, før de melder dykk på. Om kommunen ønskjer å stille med fleire enn tre, så ordnar de opp sjølve med hotellet.  

Deltakarar som ikkje høyrer til kommunar i Vestland, betalar også dagpakke sjølve. Dette ordnar de opp med hotellet sjølve. Prisen for dagpakke er 695 kroner.

Overnatting

Statsforvaltaren dekker overnatting med inntil 1200 kroner for opp til tre deltakarar frå kvar kommune med særleg lang reiseveg. Dette gjeld ikkje kommunane Bergen, Voss, Kvam, Stord, Fitjar, Tysnes, Austevoll, Bjørnafjorden, Samnanger, Øygarden, Askøy, Osterøy, Vaksdal, Alver, Modalen, Masfjorden, Austrheim og Fedje.

Dei som treng overnatting, bestiller og betalar direkte til hotellet de nyttar. Sjå rettleiing for utfylling av reiserekning for å krevje tilbake utgifter knytt til overnatting, under «Dokument».

Statsforvaltaren dekker ikkje reiseutgifter.

Avmelding

Det er bindande påmelding. Avmeldingsfrist er den same som påmeldingsfristen. Om du treng å melde deg av, så gje beskjed til Aud Jorunn Høyheim, som du finn under «Kontaktpersonar».

Ved å melde deg på denne konferansen, samtykker du samtidig til at vi deler informasjonen din med konferansehotellet. Les meir om personvern og nettryggleik under «Lenkjer».