Landbruk og mat

Oppdatert 26.11.2024

Den viktigaste samfunnsoppgåva til norsk landbruk er å sikre nok trygg og variert mat av god kvalitet. Men landbruket medverkar òg til desentralisert busetjing og næringsliv over heile landet, miljøgode som bevaring av biologisk mangfald, kulturlandskap og dei karbonlagra som skogen og jorda utgjer. Landbruket speler òg ei viktig rolle for å vidareføre tradisjonell kunnskap og kultur.

Det er eit politisk mål å halde oppe eit levande landbruk i heile landet. Statsforvaltaren skal medverke til å gjennomføre den nasjonale landbrukspolitikken ved hjelp av informasjon, forvaltning av verkemiddel og lokalt tilpassa tiltak. Statsforvaltaren skal blant anna

  • gi råd og assistanse til kommunane
  • kontrollere kommunane
  • behandle klager på kommunale vedtak innanfor landbrukslovgivinga
  • arbeide saman med andre regionale etatar og organisasjonar for næringsutvikling innanfor jordbruk og skogbruk
  • arbeide for å nå nasjonale målsetjingar for omlegging til økologisk landbruk
  • arbeide for å avgrense nedbygging av dyrka og dyrkbar jord og skog

Statsforvaltaren rettleier også kommunar, organisasjonar, næringsaktørar og bønder om moglegheitene som finst i det offentlege systemet. Statsforvaltaren støttar opp under aktivitetar knytte til utvikling og bevaring av regionale matkulturar, kunnskapsoppbygging om mat og kunnskap om mat og helse, spesielt retta mot barn og unge.

Andre viktige offentlege aktørar innan landbruk er:

Vis meir

Fann du det du leitte etter?

Ta gjerne kontakt med oss via sikker melding dersom du ønskjer at vi skal svare deg.

14.04.2025

Rekordhogst i Vestland 2024

Med særs høge tømmerprisar som drahjelp vart også avverkinga i Vestland rekordhøg i 2024.


10.04.2025

Livsmeistring for barn og unge

Vi inviterer til digital samling om korleis vi skapar gode livsvilkår og fremjar livsmeistring i kvardagen for barn og unge.


10.04.2025

Unngå gjødselgass ved utkøyring av møk

Det er godt kjent at det er farleg å puste inn giftig gjødselgass, men likevel skjer det alvorlege ulukker. Gassen er vanskeleg å oppdage, og nokre få andedrag kan vere nok til at ein svimar av.


09.04.2025

Dialog Skog 3/25 - tips til skogkultursesongen

Statsforvaltaren Vestland inviterer kommunane til eit webinar der vi tar ein gjennomgang på sakshandsaming av skogkultursaker. Webinaret vil gjennom praktiske eksemplar frå sakshandsaminga i ØKS gje eit innblikk i korleis systemet verkar og kva slags konsekvensar det kan få når dei skoglege parametrane i søknaden er unøyaktig.


08.04.2025

Regionalt jordvernbrev til kommunane

​Statsforvaltaren i Vestland har følgt opp LMD og KDD sitt jordvernbrev med eit brev til kommunane i fylket. Her peikar vi på hovudtrekk i nasjonal politikk, kommunane sin omdisponering og verktøykassa dei har til rådvelde for å følgje opp sitt ansvar for jordvernet.


04.04.2025

Hugs karenstida etter utanlandsopphald!

Det nærmar seg ferietid og fleire skal til utlandet, eller har arbeidstakarar som kjem frå utlandet. Eig du eller jobbar med husdyr, så skal du ha karenstid for å hindre at ein tek med smitte frå utlandet heim til norske husdyr.


03.04.2025

Vi spør bønder om konsekvensar ved nytt gjødselregelverk

Nytt regelverk skal gje mindre forureining frå landbruket, men nye krav til spreieareal og tid for spreiing av husdyrgjødsel vil få store konsekvensar for mange som produserer mjølk og svinekjøt.


02.04.2025

Informasjonsmøte om ny rapport «Fosformengde og spreieareal»

Statsforvaltaren inviterer til digitalt informasjonsmøte om rapport for fosformengde og spreieareal.


01.04.2025

Testing av dyrkingssystem for økologisk fruktproduksjon

Sogn Jord og Hagebruksskule (SJH) skal etablere tre ulike dyrkingssystem for økologisk epleproduksjon. Målet er å sjå korleis dei er tilpassa ei drift med sal av eple direkte frå garden til lokalmatmarknaden.


28.03.2025

Organisert beitebruk i Vestland 2024

Beitenæringa sitt arbeid er svært viktig for bruken av utmarksbeite, og i Vestland er næringa aktiv og engasjert. Her kjem eit samandrag frå årets rapportar frå beitelaga.


Fleire nyhende Få nyheitsvarsel