Kan hunden springe laus no?

Av ulike årsaker, blant anna beitedyr i utmark, har mange kommunar utvida bandtvang i visse område. Sjekk kommunen sine heimesider eller lovdata.no om det er eigne reglar i turområdet.

Vi går inn i innspurten av beitesesongen, og dei neste vekene er det mange dyr som skal heim frå fjellet. Vis omsyn og hald avstand til dyreflokkar på veg ned frå fjellet. Ta gjerne kontakt med dyreeigar dersom du ser noko spesielt på tur. Det kan vere sjuke, skada eller daude dyr, eller noko anna. Om du ikkje finn kontaktinfo til eigar, kan du kontakte andre i området, eller landbrukskontoret i kommunen. Vi vil også minne om anna informasjon i denne artikkelen: Skal du på hausttur i fjellet?

God haust, og god tur!