Kommunalt rusarbeid for 2026

Tilskotet skal bidra til betra livskvalitet, meistring og mogelegheit for eit aktivt og meiningsfylt tilvære for personar med rusmiddelrelaterte problem og deira pårørande. Dette kan kommunane oppnå ved å styrke tilboda innan førebygging, tidleg intervensjon, behandling og oppfølging.

Tilskotsordninga er lyst ut med atterhald om Stortinget si godkjenning av statsbudsjettet.

Tilbod med høg grad av medverknad og samarbeid blir prioritert

Kommunar som får tilskot, skal utvikle, gjennomføre og evaluere tiltak i lag med brukarar og pårørande.

Ved tildeling av midlar prioriterer vi tilbod som dokumenterer høg grad av brukar- og pårørandemedverknad, samarbeid med brukar- og pårørandeorganisasjonar og andre frivillige/ideelle eller offentlege tenester. Ved samarbeid med andre aktørar, kan kommunen søkje om tilskot til å dekkje utgiftene for desse. Vi oppmodar små kommunar om å vurdere interkommunalt samarbeid om utvikling av tilbod.

Det er også eit prioritert formål med ordninga å stimulere kommunane til å etablere oppsøkjande verksemd, særleg retta mot barn og unge. Siktemålet er førebyggje psykiske helseproblem og avgrense skadane som rusmiddelbruk kan medføre. Oppsøkande team/utekontaktar bør vere tverrsektorielle og fleirfaglege, til dømes med medarbeidarar frå både helse- og sosialtenesta.

Les meir om bakgrunn og mål for tilskotet på nettsida til Helsedirektoratet. 

Søknad og rapportering

Det er viktig at de gjer dykk godt kjende med regelverket før de skriv søknaden. Fullstendig regelverk finn de på heimesida til Helsedirektoratet.

Søknad for 2026, og rapportering på tilskot for 2025, sender de via den digitale søknads- og rapporteringsløysinga i Altinn.

Du finn digitalt søknads- og rapporteringsskjema her: Digitalt søknads- og rapporteringsskjema

Har du spørsmål av fagleg karakter, kan du ta kontakt med Siri Mæland eller Mona Fauskanger, som du finn under «Kontaktpersonar». 

Har du spørsmål som gjeld teknisk støtte til søknads- og rapporteringsskjemaet, kan du kontakte brukarservice via denne lenkja: Statsforvalterens fellestjenester

Digitalt møte om tilskot

Vi arrangerer eit digitalt møte om tilskota vi forvaltar på helse-, sosial- og barnevernsfeltet i andre halvdel av januar. Meir informasjon kjem på nettsidene våre.