Kommunalt kompetanse- og tenesteutviklingstilskot 2026

Regelverket vart sist revidert i 2023. Kommunane må sende inn ein samla søknad, med ein kontaktperson per kommune.

Les meir om tilskotet og set dykk inn i regelverk og mål for ordninga på heimesida til Helsedirektoratet:  Kompetanse- og tjenesteutviklingstilskudd - Helsedirektoratet

På grunn av tekniske utfordringar vert ny frist for kompetanse- og tenesteutviklingstilskot 16. mars i 2026. Søknadsskjema vil bli tilgjengeleg så fort systemet er klart. De loggar inn via ID-porten når de skal sende søknad og når de skal rapportere.

De finn både søknadsskjema og rapporteringsskjema i Altinn: Altinn - Statsforvalteren

Opplever de tekniske utfordringa med søknads- eller rapporteringsskjema kan de be om hjelp her: Har du tekniske problemer med skjema? | Statsforvalterens fellestjenester

Rettleiing til søknadsskjema og døme på dette, finn de under «Dokument». Vi gjer merksame på at dette materiellet ikkje er universelt utforma. De kan ta kontakt for meir informasjon.

Tildelingskriterium

Kommunane kan få tilskot på følgjande område:

• Kompetansetiltak: utdanning på vidaregåande nivå eller fagbrev (helsefagarbeidar mv.), medrekna kvalifisering av tilsette utan formell fagutdanning, fagskuleutdanning, bachelorutdanning i helse- og sosialfag, vidareutdanning, mastergradutdanning og ABC-opplæring.
  
  
• Opplæring om brukarstyrt personleg assistanse (BPA). Opplæringa av arbeidsleiarar, saksbehandlarar og assistentar skal vere i tråd med opplæringsplan eller kompetanseplan.
  
  
• Tenesteutviklingsprosjekt: Søknaden må mellom anna innehalde mål og målgrupper, tiltak, eventuelle samarbeidspartar, forventa effektar, leiarforankring hjå leiarar med budsjettansvar og korleis brukarmedverknad og pårørandeperspektivet er ivareteke. Kvar kommune kan søkje om maksimalt fem utviklingsprosjekt. Oppretting og utprøving av modellar for fleksible kommunale avlastingstilbod til pårørande er eit viktig tiltak knytt til regjeringas pårørandestrategi med handlingsplan. 

Andre tildelingskriterium, prioriteringar og regelverk for ordninga kan du lese om på nettsida til Helsedirektoratet.  Deler av tenesteutviklingstilskotet har tidlegare vore øyremerka til dette tiltaket. Det er fortsett eit aktuelt område.  

Tilgang til søknadsskjema i Altinn

Den som skal fylle ut skjema søkjer på vegner av ein organisasjon (kommune/fylkeskommune) og må ha rettar til å fylle ut søknad og sende inn på vegner av denne. Den som er ansvarleg for tilgang i Altinn i den enkelte kommune kan tildele eller delegere ei slik rett. 

Søkar må anten

• Ha ein rolle innan helse-, sosial-, og velferdstenester, til dømes kontaktperson for kommune/fylkeskommune. Sjå oversikt over roller i Altinn: Altinn - Alle Altinn-roller, eller
• Få delegert tilgang til enkeltteneste til det spesifikke skjemaet. Sjå rettleiing i Altinn: Altinn - Hvordan gi en enkelttjeneste og rolle til andre.

Rapportering for 2025

Kommunane skal rapportere innan 1. mars 2026 på kommunalt kompetanse- og tenesteutviklingstilskot som vart tildelt i 2025. Rapporteringsskjema finn de i Altinn. For tilskot frå kr 200 000 er det krav om revisorattestasjon, vi ventar at denne vert sendt inn i lag med rapporteringa. Vi behandlar ikkje nye søknader for 2026 før vi har motteke rapporteringa for 2025.